百忙之中……

係呢段時間,主要都忙住為PUMP IT UP演唱會加緊練習,不過係百忙之中,都要抽時間去領獎…….今次好開心我地一班創作既同事憑住為<孫燕姿2009世界巡迴演唱會>做舞台及錄像設計而奪得香港設計師協會頒發既亞洲設計大獎,一個好既設計,係需要好多人既參與,既然我身為一個跳舞出身既人都可以得到設計上既獎項,所以話呢個世界無野係無可能架!!!!!!!

而我地朱凌凌,

係12月14日,

就要將無可能既變成有可能!!!!

繼東亞運動會之後….

朱凌凌PUMP IT UP!

GROOVY NIGHT歌舞夜演唱會

大家一齊黎踴躍參與09年最後既一件盛事啦!!!

卵爺真的有點累…

GOD bless
that’s JN

Rehearsal

Pump it up演唱會進入最後兩個星期倒數，

朱事喱五子在餘下兩星期

每天跟你分享排練精選照

跳………..?

據朱完章分析…………….

「喜歡音樂的人，都喜歡跳舞!!」

這是一個相等於1+1=2的事實!!除非你說 : 「我不喜歡音樂」，那麼我就相信你不喜歡跳舞!但是…….當人類都嘗試以音樂這種完素，作為向外太空生物表示友好的方法時……朱完章想在這個世界上不喜歡音樂的人可能只有三個……或者四個!

「那麼……這個地球上應該有九成人以上都喜歡跳舞!」

這是一個魯莽的判斷嗎?

不!!

首先……你們有否想過為什麼我們喜歡聽音樂嗎?

這是因為音樂比起其他任何媒體的「指向性」都要強，都要大!所謂「指向性」是指……..音樂很容易就會帶動到我們的情緒………..它的節奏、旋律……..等等的不同……..都非常直接與我們產生共鳴!例如我們可以很快便分辨到這是一首悲情歌…..還是一首開心的歌……(我們先不談歌詞…..只是談音樂),「這首歌很sexy!」、「這首歌很忿怒」、這首歌很佻皮」………而這種種的感受會迅速地波動我們的情緒而導致我們身體會作出某些反應…………但很多時候……….我們的理性會阻止我們這些自然反應………「聽到這首歌,我很想哭…….但不可以,因為在這個場合,我哭便會很失禮!」又或者是「我很想跳舞,我很想隨歌起舞,但我不懂……..如果我跳,其他人一定會笑我……….」

那麼………….

我們又再定義一下,何為跳舞………

沒錯……..聰明的你一定知道我想說「不是芭蕾舞、現代舞、中國舞、街舞………才是舞蹈!」

最人所共知的例子,相信一定是「開心舞」!!龍懷騫沒有一字馬,沒有旋轉十個圈,沒有跳上跳落,沒有漂亮的男舞伴………….但她的舞步仍留在許多人的記憶中………..這是因為她有聆聽自己的感受………聆聽自己心裡的「開心歌」,而讓開心這情感帶動她的身體……….不論她跳得好不好看……..但至少我們當看她跳「開心舞」時,都感受到她的開心!

隨著音樂轉動一下指頭、頸、腳、肩………..身體任何的一部份…………什至………隨著音樂而帶來的情緒波動、一滴眼淚、一個笑容,沒有任何表情,但內在的情感天翻地覆,也可說是一種舞蹈………..至少是一種舞蹈的開始……………….

……………………………………………………………….

……………………………………………………

………………………………….

所以………………………………………

十二月十四日……………………….

九龍灣國際展貿中心……………

PUMP YOURSELF UP吧!!!!

(說了那麼多廢話………..都是想hard sell!!!!多謝!!!!)

MUSIC is our drugs and your drugs!!!!

http://www.youtube.com/watch?v=k9fH3AREubQ

北野舞

如果有睇開我地個blog既朋友,都應該有睇過我地排舞既個條片,因為我地朱凌凌12月14號晚既concert,有好多跳舞既元素係入面,所以我地而家開始左我地排舞既生活喇,好多人都知道,阿chris本身係一個舞蹈員,亦都有好多人唔知道佢本身係舞蹈員,但係事實係佢係一個舞蹈員,佢係演藝學院既舞蹈學院畢業,一向都有鑽研開跳舞,所以跳舞呢樣野係絕對難唔到chris架,由其是佢最拿手既係芭蕾舞,而佢畢左業之後,就開始鑽研另一種黎自日本既舞叫做「北野舞」,所以如果你地黎睇12月個show既話,就可以欣賞阿chris既「北野舞的芭蕾舞」喇…….

咁講番我自己,我真係唔識跳舞,由其是開始排舞既時候就發現原來自己D手手腳腳係有獨立思考能力架,叫佢去左,佢就去右,舉起隻右手,就連左手都舉起埋,跳舞真係好難,不過,成班友仔一齊跳舞既時候,真係好好玩,所以,如果你地黎睇12月個show既話,就可以欣賞到我地好好玩既「北野舞的芭蕾舞」喇!!!

卵

一齊受死

好多人都知道我本身係一個舞蹈員…亦都好多人都唔知道我本身係一個舞蹈員….

但係而家已經無再跳舞喇….

如果要講番我既舞蹈生涯既話,有幾件重要幾事…

中學既時候,有一日,有位好艷既同學叫阿艷,佢突然係我面前出現,走埋黎同我講,不如你參加校內既舞蹈比賽啦,當時我心入邊諗,我從未試過跳舞,點解會叫我參加舞蹈比賽呢?個一刻,我就口快快咁應承左,諗番真係戇居,究竟一個從未跳過舞既人參加跳舞比賽會係點呢?咁好明顯首先就要搵個模仿對像先啦,當年既對象有2個,一個係Michael Jackson,另一個係郭富城,我有一隻aaron既CD入邊附送VCD,有一個MV aaron係到跳舞,每一日放學之後就對住MV係到跳,雖然到最後上到台都係咩都唔記得,但係我既身體動作令到全場嘩然,呢次就係我第1次跳舞……

我諗我既人生係充滿住GAG……..

一個無上過跳舞堂就上台比賽,上過幾堂跳舞堂就考左入演藝學院既舞蹈學院,挨左4年終於畢業,呢個都可算係GAG中之GAG…..

畢業之後….D GAG陸陸續續咁繼續黎……..

話說係畢業之後,我決定左由舞蹈員轉型成為錄像設計,點解?好明顯,係演藝學院個4年我發覺自己唔適合跳舞,所以我決定係06年一個香港舞蹈團既演出作為我既「封腳之作」,o個個演出就係<笑傲江湖>,係演出完之後,我就笑住咁唱「滄海一聲笑,濤濤兩岸潮…….」黎完結我既舞蹈生涯,好可惜既係,當我作左呢個決定之後既幾個月,就要做「博到單車變摩托」,我頂,做戲無問題呀,但係我係戲入邊既角色係一個舞蹈員,又要我跳舞?!?!?!?!唔好掛….我驚票價會由$180變到得番$80,因為我真係跳得唔好呀ma,之後仲話要re-run………係re-run完左個晚慶功宴到,我心入邊諗,poster都寫明永不重演,應該唔使我再跳舞喇掛…….

除左朱凌凌之外,大家知唔知仲有咩人有咁既能力?「林正英」

以前佢拍個D捉彊屍既戲成日都話要D彊屍永不超生……

永不超生=永不重演

所以一樣意思….就係我既舞蹈生涯會從此永不超生!!

可能大家無睇過「聖鬥士星矢」,唔知咩叫「黃金冥鬥士」，即係o個D死左既「黃金聖鬥士」俾人係地獄到召番出黎但係又無咩實際能力,係今年既12月14號,將會有4位「青銅聖鬥士」同1位「黃金冥鬥士」係九龍灣一齊受死,有興趣大家一齊黎睇下我地點死啦!!!!!!

朱凌凌 x pump it up NG影片