中國人的驕傲?!

今日與你相眾一刻o既係….chris

手提電話俾我o既感覺其實真係無咩感覺, 對我o黎講, 要傾不如面對面傾, 所以我唔會特別使錢係電話上面, 通常都係壞先至會換。

雖然而家o既手提電話已經發展得好勁, 例如可以聽歌、影相、上網、睇電視等等, 不過我個人認為, 而家電話上o既發展已經唔再係針對互相溝通, 大部份新o既功能都只係集中係個人娛樂上,其實, 電話既發展應該可以有趣D…

例如…

1.電話可能已經唔再係一件實物, 可以同腦部接通,當我一諗到對方o既樣或者講出對方o既名就會自動撥號, 而且係接駁o既時候, 接駁聆聲可能會係對方唱歌/ 講心事…

2.當我打去外國o既時候, 電話就可以做即時翻譯, 無論打去法國,西班牙,德國等其他地方都好，都會聽得明對方o既說話, 唔會再「雞同鴨講」…

3.又或者我一打去外國, 電話就會好似隨意門咁即刻帶我去個到, 但係去既時間就同打電話一樣要計分鐘, 一收線/cut線就會番黎…

4.可以同動物溝通, 例如可以打去貓之國, 會有「專貓」接聽, 最重要係同佢地傾o既時候佢地唔會再係”喵喵”咁叫, 已經翻譯成廣東話, 咁就可以知道究竟D貓貓狗狗到底諗緊D咩…

講開電話功能, 我覺得中國制o既iphone可以話係表表者, 唔知大家有無見過/用過, 除o左價錢平, 外形神似之外, 就連大家都好重視o既娛樂功能分分鐘都好過真正o既iphone, 中國人o既模仿能力, 簡直可以話係我地身為中國人o既「驕傲」。

我相信係未來20xx年o既奧運會, 可能會有一個新項目叫「模仿」,就好似拳擊賽事打雷台咁, 各國既選手都會上台激鬥，爭個你死我活,成為模仿既冠軍。

雖然話國產iphone可以媲美正牌iphone…

但係國產iphone o既銷量會唔會比真iphone好?

中國”咁高”既模仿能力又係咪真係值得驕傲?

既然Chris係大家o既心目中既模仿能力咁高….

佢又可唔可以話係一個中國人的驕傲?

==????

如果你面前有一部國產iphone同正牌iphone…

你會揀邊部?

如果郭富城,古巨基同chris同台演出….

你會睇邊個?

下星期朱事喱o既主題係「公交」

敬請留意!