“VAN” did you go?

今日同大家相眾一刻既係….chris!!

唔知大家睇無線劇集時有無發現,總係會有一兩架白色貨van係附近,無論任何時代,任何處境,無線既劇集都會有交通意外/綁架既劇情,而呢D咁刺激緊張既場面,不單可以提升劇情既張力,更加會成為故事既轉捩點,全香港幾百萬人都係睇無線既劇集長大,套套劇集都總會有一兩場撞車/綁架既場面,試想下如果無左呢D咁重要既情節,無線既劇集仲會唔會咁好睇?

當大家睇無線劇集既時候,大家又有無留意過劇中出現既呢D白色van,無線劇集之所以成功,除左有好既演員同故事之外,我認為最重要既就係呢D借van人/公司喇,大家千其唔好睇少白色van既力量,就正如之前所講,除左可以提升劇情之外,佢白色既車身可以做反光板,佢兩面既趟門更方便拍攝,所以話無左佢地,我地既生活都唔會咁多姿多采,我覺得如果要頒獎俾最佳演員,就更加應該要頒獎俾呢D借車人/公司,以表揚一下佢地對電視劇既貢獻。

有一日下午,突然間發現街上面有好多白色van,有成6,7架咁多,睇真D原來係鵝姐(商天鵝)係到拍緊劇,我睇哂成隊crew,2個演員加工作人員都係得10個人,因咩解究有成6,7架車咁多??

可能……

係鵝姐既地位非凡,1架白色van唔夠排場….

將來朱凌凌如果有錢,首先應該要買番架白色van….

如果朱凌凌有機會幫無線做野既時候,同樣都有咁多架白色van出現…

就證明朱凌凌既地位…

如果無既,我地會自己帶….

所以…

而家朱凌凌既目標係….

儲貨van!!!!!!!!