「味精川」 - chris

唔知大家知唔知有個劇作家叫「賴聲川」….

記得有一次發夢…我變左「味精川」 ,「味精川」成日都有好多幻覺…

例如…

• 「味精川」係街到見到既「綿羊仔」電單車，佢會睇成一個個著住蒙古草原服裝既人坐係一隻隻真既綿羊上面,但係佢既行駛速度依然同「綿羊仔」一樣,仲會要去油站餵”草”換羊蹄….
• 又好似去茶餐廳食野咁，相信大家都有食過”特餐”，如果食沙爹牛麵轉出前一丁面，佢地就會俾沙爹牛肉麵既既味精粉你，如果食咖哩牛肉飯，佢就會俾包咖哩牛肉飯既味精粉你….(就好似太空食物咁，唔同味道，但係同一個形態)
• 係「味精村」見到既幻覺世界入邊，如果要上網download歌黎聽，download既歌就只有一首，一首將所有香港人最想聽既流行曲melody濃縮左，情形就好似古巨基既”勁歌金曲”一樣，聽到既就只會有大家最想聽個幾句….
• 又例如當「味精川」睇電視既時候，電視播既就只會有成套劇最重要個一幕，好似睇電影trailer咁，好似個D爆炸，撞車，拋紙碎既畫面…最重要既係，無論套劇/戲有無需要都好，都會加插呢D鏡頭…..e.g.睇”有營主婦”，係播主題曲個分幾鐘入邊，就可以不斷重複咁睇到法拉換衫個幕，無論wide shot,close up,top shot，所有不同拍攝手法去表達法拉換衫同”有營主婦”既關係….(有”型”主婦就要好似法拉咁換衫先叫有型….)….e.g.周秀娜既精神已經覆蓋全世界，佢除左出攬枕之外，仲會有床x….當一個宅男番到屋企好支力要上床休息同時又掛住周秀娜既時候，只要佢打開床褥既氣泵，一個1:1既周秀娜就會凸出黎，除此之外，床褥仲會包括一個software,有同周秀娜對話既程式，當你有負能量既時候，周秀娜會問:「可唔可以幫你輟走佢?」，請注意，科大學生購買有8折優惠!!

有好多人都想夢想成真…..如果「味精川」既夢真係夢想成真既話….

……….

………………

……………………….

咁就好喇!