TURBO - 卵

我覺得開turbo呢個詞語係專俾D年青人用既，諗番以前讀書既時候，可以係臨考試之前o個個夜晚，先至「臨急抱佛腳」，漏夜開turbo溫書溫通頂都無問題，唔怕呀，有quota，可以on完show去埋慶功再打通宵麻雀再飲埋早茶再直落打埋war game都仲得，唔怕，仲有quota，但係而家開一次turbo，通一晚頂之後好似要訓番一個double既時間先至得，如果唔係就病，但係做野唔係o下o下都有得「頭」，所以我得出左一條formular….

開turbo-休息=病

我諗番起以前讀中五既時候，中文科有一個課文叫「庖丁解牛」，唔知大家仲記唔記得，課文入邊其中一句係「以有涯隨無涯，殆已； 」，意思即係，生命係有限既，而學問係無限既，以有限既生命去追求無限既學問，死梗，我個陣時覺得:「嘩!咁搞笑?」係一個中學會考既課程入邊，竟然有課課文係叫人唔好讀書，不過佢都醒架喇，擺呢課課文係最尾o個課，廢事俾你班o靚仔有藉口唔讀書，但係而家人大o左，先至開始體會到呢課書講緊既野，「養生之道」。係呢課書入面，講到有三種廚師，第一種叫族庖，佢把刀一個月就要換架喇，因為佢成日係咁開turbo，劈落D牛骨到;第二種叫良庖，佢把刀一年換一次，佢已經係甚少開turbo架喇，不過有時有D野係避都避唔開，總有一兩下開下turbo，劈o下D牛骨，最後就係庖丁喇，佢知道哂隻牛既筋肉紋理，唔好話開turbo，連D牛骨掂都唔會掂o下，所以佢把刀用o左19年都仲係咁鋒利，我開頭以為自己做唔到好似庖丁咁，但係至少都算係良庖呀，因為我地都成日諗方法去做好D事，我地都唔想夾硬o黎開turbo，但係結果發現，我地呢D做事唔經大腦o既人，最後都應該算係族庖，因為要我地諗方法呢個過程都係成日要開turbo先諗到。