咩地方….卵

如果問我有咩地方未去過而又想去既話，我同朱完章都好似，都想揹住個背囊去歐遊，但係呢個夢想可能要遲d先實現到，去天堂可能仲快d!

如果問我有咩地方以前去過而又想番去既話，有一個地方叫做東灣，係長洲既一個沙灘，呢個海灘充滿住我成長既回憶，我年少時期，向人表白遭人拒絕，要搵個地方一個人喊下，就係o係呢個沙灘，我同D同學參加學校歌唱比賽，當日晨早流流一齊對住個海練歌，又係o係呢個沙灘，甚至乎我開始學人食煙都係o係呢個沙灘o個到，其實我以前D膚色係好黑架，因為中學時期一到夏天，就差唔多日日都會去沙灘游水，但係而家又有幾可會去沙灘呢?

其實我就好似以故既偉大巨星Michael Jackson一樣，以前係黑既，而家係白既，而從我面上既膚色可見，少年時代既熣燦生活已經被漂白了，我諗大家應該同我一樣，會有一個見證住自己成長既地方，如果呢個地方有一日會唔見左既話，我一定好唔開心……..

所以，我諗我都係時候要番下去睇睇個沙灘喇!!