「詞」…..卵

今日想同大家研究一下既音樂係本地既流行曲，不過我想講既唔係流行曲既曲風，而係本地流行曲既歌詞，係香港，我地經常都提及兩文三語，係呢兩文三語入邊，英文係最容易填詞既，因為英文既詞彙比較上不受詞彙既音律限制，所以，如果你英文水平好既話，填英文詞應該唔難，而大家都知道，國語係有四聲，而廣東話係有九聲咁多，所以從詞語既發音組合上面，廣東話係較為複雜，少少不同既高低音，就會變成另一個字，所以，由一句melody填出一句完整意思既廣東話歌詞，係有一定既難度，何況係成首歌?所以，香港既填詞人可以填出一首又一首有意思既廣東歌真係好犀利!!

如果大家都想試下填詞既話，我有少少練習可以同大家分享一下去提升對廣東話詞彙既敏感度，大家可以試下，係日常生活中，聽到一D小小既旋律，大家可以嘗試一下幫呢D旋律填D詞落去，例如，搭地鐵嘟八達通既時候，我地會聽到一個旋律，而家我係唱唔到出黎既，但係我幫佢填左一個詞落去，「熊貓人」，又例如，睇電視新聞(無線)既時候我又幫佢填左個詞落去，「細落仔始終要踢波唔想唱歌」，呢個係第一個練習，另外仲有一個，就係當你係街見到一D poster或者招牌既時候，嘗試一下「聞字攞音」，將個D字唱出黎，久而久之，你對廣東字既音律既敏感度就會提升喇!