頒獎典禮….卵

大部分既頒獎典禮都會有得獎者同落選者,當中少不免會出現分勝負既性質，當涉及到分勝負就好容易衍生出好多人類既黑暗面，例如，得獎者會因此而驕傲，落選者就會妒忌同憤怒，之後又為了掩飾呢D黑暗面，又會產生出虛偽，而且愈係單純既人就愈容易被得獎既榮耀迷惑，小弟亦曾經因為得獎而沾沾自喜，覺得自己叻過其他人，所以開始懶惰，荒廢左好多學習既時間，所以，頒獎典禮係有一定既危險性。

如果俾我搞一個頒獎典禮，我會為左減輕人類黑暗面出現既危險而加多一個環節，當每一個獎項宣佈左得獎者之後，其他落選者都要一齊上台，對得獎者講 :「你好野，你叻!」，作用就等於係「嗱….!你都當面讚左人地，承認左人地係叻架喇，咁就唔使再暗地裡妒忌人喇」，而對於得獎者而言，作用係「嗱….人地都當面承認左你係叻喇，咁你再私底下沾沾自喜都無意義喇」，不過其實最好既方法係唔好諗咁多，單純地視頒獎典禮呢個活動係純粹對得獎者作出鼓勵就算喇!